Auf plattdeutsch: De Näätzer Handdrucksprütt vonne Füerwehr

An Sünndag weren wi Senioren vonne Näätzer Füerwehr inlodt ton Adventskaffee.

De Ortsbrandmeister und sien Stellvertreter hebbt us veel vun de Arbeit vertellt de se mookt. Vun den schrecklichen Brand, wo een Strohdackhuus in null komma nix wech wer, un vun annern Insetzen.

Denn vertellen de Beid us ok, dat de scheune ole Handdrucksprütt to Reparatur wech is. Ganz no Nideggen is se henkamen, wiel dat dor een Mann givt, de us Handdrucksprütt repariern kann.  Natürlich all`ns in Handarbeit!

Alleen de Rööd schütt 3.500 € kössen, un dormit koomt se nu woll nich ut, denn biet uteenanner nehm`n hebbt se glieks noch mehr funnen wat repariert or sogor ersett warrn mut.  De Sprütt is all vun 1902, un dor kanns nich eenfach Ersatzdeele köpen.

Keen nu vun jau noch denn een or annern Euro öber hett, kann gern wat to de Reparatur taugeben. Un wenn ji Frogen hebbt tau de Sprütt, denn kann dat viellicht Manfred Hagemann verklor`n. He hett de Telefonnummer 05850-728, un bi Manni kann man ok ne Spenn afgeven, de quittiert dat ok!  In Internet ünner „betterplace“ kann man ok spennen.  De Handdrucksprütt is so fein antokieken, de mutt eenfach wedder flott mokt warn!   Helpt mit, ik hev ok all spennd!

Helga Kiehn