plattdeutsch: Füerwehrfest in Vasdörp

Dat weer jo mol een feinen Dag.....

De Dage för denn Gemeendefüerwehrdag hätt dat bannig regnt, un de Wisch wo dat Fest stattfinnen schull, wer bannig natt. Ober...pünktlich ton 1. Juni schien de Sünn un freiht sik öber de ganzen Füerwehrmannslüüd un Fraunslüüd.

Dulle Wettkämpf geev dat to sehn un de Vasdörper hebt sik bannig int Tüch lecht, üm för aal wat dor to hebben. Dor wör de „Neetzer Spinnstuuv“ mit een Affordnung, de ok veel Sülmsmokdet mitharn. Een dullet Kokenbüffett harrn de Fraunslüüd vonne Roden Krüüz Vasdörp antobeden. Genauch anneret ton Eten und Drinken wär ok dor, un ok de Kinner keemen nich to kott, för se wer een Hüpfburg, Snökerbud un een Karussell dor. Un denn noch so feine Musik, dor much man gonnich mehr rut ut de Schüün. Ründüm een feinen Dag un de Obend wär mit denn „Soeties“ ganz seker ok een gelungenen Obend!

Siegerehrung geev dat jo ook noch: Bi denn Gemeendeapell hebbt in düssen Johr de Reinstörper wunnen un bi de Wettkämpf de Wehr ut Thomsborg. Leve Füerwehrlüüd – ji sünd so wichdig!

Helga Kiehn

Bildunterschriften:

Näätzer Spinnstuuv

Ok een olen Lanz kunn man bewunnern

De Pokal ward glieks övergeben

De Kanister sünd ünnen!