Wat weer dat för een Week!

De ganze Week hebbt de Näätzer Füerwehrlüüd, tosamen mit Dennis Hagmann, denn Platz un de Schüün för denn Gemeendefüerwehrdag ferdig mokt.

Un denn weer de grode Dag dor. All de Füerwehr`n ut de Ostheide weer dor för Apell, Wettkämpfe un Fiern. Bien Apell hätt Näätz ditmol denn grooden Wannerpokal kreegen, Platz 1!

De Kinnerfüerwehren, de Jugendfüerwehrn, un denn natürlich ok de Wehr ut Stapel wörn vertreden - de sogor mit een historische Sprütt för een Vorführung, jüst so wie de Näätzer mit eer Handdrucksprütt.

Obens Klock söben güng dat ünnen, oppen Hoff von Dennis Hagmann mit denn „Soeties“ wieter, de hebbt de ganzen Lüüd, inne Schüün un oppen Hoff bannig, in Stimmung brocht.

Veelen Dank an de Näätzer Füerwehr, un ganz besonners an Dennis Hagmann, de denn Hoff, de beid Schüünen un de Lännereien ümtau, to Verfügung stellt hätt, för so een scheunen Familiendag.

Helga Kiehn