Wiehnachtsgedanken 2021

Veelen Dank för de ganze Schleeperee!

Nu is all wedder de Wiehnachts – or Adventstied dor. De Kinner hebbt ehr Wunschzettei all lang schreven un de Öllern hebbt all lang all`ns tohoop.

Ditt Johr is dat all wedder so, dat man gornich inne Stadt lopen mag, üm öbern Wiehnachtsmarkt to bummeln or dörch de Geschäfte to lopen un to kieken, wat dat allet geven deit.

Wü hebbt all wedder, or jümmer noch, Corona!

De Postlüüd un all de annern Lieferdienste hebbt sik de Hacken aflopen üm all de ganzen Kartons mit de bestellten Soken an de Lüüd uttoleebern. All holt se sik trücht mit de Bummelei inne Stadt un sitt leber an denn Computer un bestellt all`ns online.

Wat sik de ganzen Lieferanten woll freut wenn endlich Wiehnachten is, un se de Fööt un denn Rüch schonen künnt. Viellicht oppen Sofa lingen un nix daun? Dat war ik jemm so richdig gönnen! Veelen Dank för de ganze Schleeperee!

Helga Kiehn